صاحبة السعادة اسعاد يونس حلقة ريهام عبد الغفور حلقة كاملة 2022، صاحبة السعادة اسعاد يونس حلقة ريهام عبد الغفور من حلقات صاحبة السعادة اسعاد يونس الموسم 3 الثالث على شاشة دي ام سي الفضائية، تأتي حلقة ريهام عبد الغفور فى برنامج صاحبة السعادة اسعاد يونس ضمن حلقات الموسم الثالث،
الذى بدء بلقاء خاص مع فرانشيسكو توتي اللاعب السابق فى نادي روما والمنتخب الايطالي، ثم حلقات على سبيل المثال وليس الحصر مع الكابتن مؤمن زكريا، والمطرب احمد سعد، وفرقة بنات مصر، والفنانة ياسمين صبرى، ونجوم مسلسلات رمضان 2022، والمطربة شيرين عبد الوهاب، وجورج وسوف، وسوزان نجم الدين، وحنان مطاوع، ونجوم ملح الفن 2022، وفرقة مسار اجباري.
صاحبة السعادة اسعاد يونس حلقة ريهام عبد الغفور حلقة كاملة من حلقات برنامج صاحبة السعادة مع اسعاد يونس مشاهدة اونلاين 2022
في صنعة التمثيل يا جماعة فى مصطلح غريب شوية، بس معبر اوي، بيقولك اصل فلان ده بيعفق الدور صح، العفق ده اللي جاي من الامتلاك والتمكن، وبيجمع معاهم المهارة والقدرة على الدوبان في الشخصية، ونادرا ما بيتقال على فنان على اد حاله كدا، مصطلح مبيتقالش غير على عتولة التمثيل، اللي بيعفق، ريهام بقى اللي الكل بيحسبها على المجتهدين فى صنعة التمثيل،
تقدر تقول بمنتهى الاريحية انها بتعفق الدور صح، اصلها من القليلين اللي بنقول عليهم صنايعية تمثيل، عارف حتة الانتيكه، اللي تطلع من تحت ايد اسطى فنان فى صنعتها، عارف احساس الانبهار بجمال الصنعة، والامتنان للصانع، اهو دا اللي تحسه مع كل شخصية تخرج بتوقيع ريهام عبد الغفور،
قطعة انتيكة تتفرج عليها و تحسها وتعيشها، تبكي معاها وتفرح معاها، وتخلص فتزعل على فراقها، وتفضل ممتن لصاحبة الصنعة الحلوة، بتعامل شخصياتها بدراسة متأنية جداً، دراسة تخلي المشاهد مع كل عمل يقول “الله” دا احلى ادوار ريهام عبد الغفور، عشان ييجي دور جديد وتعلي فيه ريهام، من سقف توقعات الجمهور وترجعه لنفس النقطة، ويعيد نفس الجملة، تحدي بتعيشه ريهام مع نفسها، لانها عمرها ما اتمسكت متلبسه، بمنافسة حد غير يهام عبد الغفور،
بتلعب فى منطقة محدش بينافسها فيها ابداً، والدور اللي بتلعبه صعب جداً تتخيل واحده غيرها تلعبه، بنفس التمكن الروح، دا بالعكس بقى، ياما ادوار على الورق تحسها بهتانه كدا، ولما تسكنها ريهام، يتحول الدور وتتنفخ فيه الروح، ضحى، منى، عايدة، نجاة، رضا، افنان، حسنات، فريدة، مش حيالله، اسامي شخصيات لعبتهم ريهام، ولعبت غيرهم كتير، لا لأ خالص،
دي حتت من حياتها نفسها حطت فيها مجهودها، وبصمتهم بروحها، هي حكاية نادرة متتكررش كتير، حكاية حد بيشتغل على نفسه كل يوم، حد بيأكد انه بيتطور كل يوم، حد عارف ان لسه فى جديد ميعرفوش وعاوز يعرفه، حد قادر يتمرد على قوالب الشكل، ويكسر سجون التنميط، حد قادر كل مرة، يبهرك اكتر من اللي قبلها، حد قادر ييجي يكتب اسمه وسط الكبار ريهام عبد الغفور” تلك كانت الكلمات التى بدأت بها صاحبة السعادة اسعاد يونس حلقة ريهام عبد الغفور.
مشاهدة اونلاين
- مسلسل رشيد الحلقة 5 الخامسة
- مسلسل ضرب نار الحلقة 4 الرابعة
- مسلسل وعود سخية الحلقة 4 الرابعة
- مسلسل المداح 3 الحلقة 5 الخامسة
- مسلسل مذكرات زوج الحلقة 4 الرابعة
